সিরাজুল হক সিরাজ


 

পেট পুরেদ্দে থাইত নপারির বুকরভুতর ধরপরার

চাটগাঁ শঅরর সুন্দরী তুই আঁ’রে ফেলাই অইয়্যছ হার

হথা দিইলি সারাজীবন আঁ’র ফুঁআরে থাকিবি

চাম্বাফুলর মালা গাঁথি গলাত বাধি রাখিবি

পতেঙ্গা বীচ জিলাপির পাআর আরো আছে পারকির চর

দ্ইু হাত ধরি হঅইলি আঁ’রে ন’ভাঙ্গিবি মনর ঘর

ডিসিহিলর সিঁড়িত বইবই নানানডইল্ল্যা অনুষ্ঠান

প্রেমপিরিতির আ’ল্গজ্জিলাম হাঁইজ্জ্যাত তুইল্লোম সোনার ধান

বেগ্গিন ফেলাই হডে গেইলি হার মান্ডক তুই সাজাইলি

বিনয় বাঁশির ঢুলর মত আঁ’রে কিইল্লা বাজাইলি

কি দোষ্ষান তর গইজ্জিলাম আঁ’ই হনঅদিনতো নহঅইলি

ফয়’স লেকর সাম্পানত বঅই মনত নাইতোর কী হঅইলি

বন্ধু-বান্ধব বেগ্গুনে হঅর মাইজভান্ডারত যাগৈ তুই

রমেশশীলর গান গাআই গাআই সাফগরিলঅ দিলর ভুঁই

কে’নে হইয়্যুম ইতারারে দিল্লান দিইয়্যি তরে আঁ’ই

হার হাছে যাই বুঝাইয়্যুম হঅ দুখ্কর হনঅ সীমা নাই

তজ্জা তজ্জা গল্লি পরান কে’নে পাল্লি ভুলি যাই

কবি সিরাজ ডাক মারি হঅর মনর মানুষ মনত নাই

পেট পুরেদ্দে

`পেট পুরেদ্দে' চট্টগ্রামের ভাষায় পারভেজ চৌধুরীর আবৃত্তি কবিঃ সিরাজুল হক সিরাজ

Posted by coxsbazarnews.com on Saturday, June 27, 2020

 


পরানজুরানি, কক্সবাজার।

০৮.০৪.২০২০

  •  
  •  
  •  
  •  
  •   
  •  
  •